ಪದವಿ ಹಂತದಲ್ಲಿ ಭಾಷಾ ವಿಷಯಗಳನ್ನು ಆಯ್ಕೆ ಮಾಡಿಕೊಳ್ಳುವಾಗ ಕನ್ನಡ ಭಾಷೆ ಪ್ರಮುಖವಾಗಿ ಕಾಣುತ್ತದೆ. ಕಾರಣ ಈ ನೆಲದ ಭಾಷೆ. ಕರ್ನಾಟಕದ ಆಡಳಿತ ಭಾಷೆ. ಸುಮಾರು 2000 ವರ್ಷಗಳ ಇತಿಹಾಸವಿರುವ ಭಾಷೆ. ಜ್ಞಾನಪೀಠ ಪ್ರಶಸ್ತಿಯನ್ನು 8 ಮಂದಿ ಕನ್ನಡ ಸಾಹಿತಿಗಳು ಪಡೆದುಕೊಂಡಿರುವಂತಹ ಭಾಷೆ. ಈ ಭಾಷೆಗೆ ಪ್ರಾಚೀನ ಇತಿಹಾಸ ಇದ್ದು, ಇದೊಂದು ಶಾಸ್ತ್ರೀಯ ಭಾಷೆ ಎಂದು ಭಾರತ ಸರ್ಕಾರದಿಂದ ಪರಿಗಣಿಸಲ್ಪಟ್ಟಿರುವಂತಹ ಭಾಷೆ. ಇಂತಹ ಭಾಷೆಯನ್ನು ಆಯ್ಕೆಮಾಡಿಕೊಂಡು ಸಾಹಿತ್ಯವನ್ನು ಓದುವುದು ಒಂದು ಹೆಮ್ಮೆಯ, ಹೆಗ್ಗಳಿಕೆಯ ವಿಷಯ.

ಬಿ.ಎ.,ಪದವಿಯಲ್ಲಿ ಕನ್ನಡವನ್ನು ಐಚ್ಛಿಕವಾಗಿ ಅಧ್ಯಯನ ಮಾಡಲು ವಿಜಯ ಕಾಲೇಜಿನಲ್ಲಿ ಅವಕಾಶವಿದೆ. ಇದರ ಮೂಲಕ ಕನ್ನಡ ಭಾಷೆಯಲ್ಲಿ ರಚನೆಯಾಗಿರುವ ಸಮಗ್ರ ಸಾಹಿತ್ಯವನ್ನು ಕುರಿತು ವಿಶೇಷವಾಗಿ ಅಭ್ಯಸಿಸಲು ಸಾಧ್ಯವಾಗುತ್ತದೆ.